Дастрасӣ ба оби нӯшокӣ дар ҷумҳурӣ 53 фоизро ташкил медиҳад

Душанбе, 17.02.2016 (АМИТ «Ховар»).- «Тибқи маълумоти оморӣ дастрасӣ ба оби нӯшокӣ дар деҳот 47 фоиз буда, дастрасии умумӣ дар ҷумҳурӣ 53 фоизро ташкил медиҳад»,- иброз дошт директори иҷроияи Иттифоқи истеъмолкунандагони Тоҷикистон Илҳом Абидов зимни баргузории конфронс таҳти унвони «Ҳимояи ҳуқуқҳои истеъмолкунандагон дар соҳаи таъмини оби нӯшокӣ ва ҳолати санитарӣ дар Тоҷикистон».
Ҳамчунин номбурда иброз дошт, ки то имрӯз тибқи барномаҳои соҳаи таъминоти оби нӯшокӣ бо маблағгузории ташкилоти байналмиллалӣ бархе низомҳои таъмини оби нӯшокӣ барқарор шуданд, вале имрӯз баъзеи онҳо аз кор монда, корношоям шудаанд.