Эълони 190 рӯзи ободонӣ дар шаҳри Қурғонтеппа

Душанбе, 09.02.2016. (АМИТ «Ховар»).- Барои дар сатҳи баланд таҷлил намудани 25-солагии Истиқлолияти давлатии Ҷумҳурии Тоҷикистон қарори раиси шаҳри Қурғонтеппа дар бораи эълон намудани «190 рӯзи ободонӣ дар шаҳри Қурғонтеппа» ба тавсиб расид. Тибқи қарори мазкур нақшаи чорабиниҳои мақомоти иҷроияи маҳаллии ҳокимияти давлатии шаҳр дар бораи самаранок истифода бурдани рӯзҳои ободонӣ дар шаҳр бо назардошти сафарбар намудани ҳамаи соҳаҳои хоҷагии халқи шаҳр, новобаста аз шакли моликият ва сохтори ҳуқуқӣ, тасдиқ гардида, бахшҳо ва шуъбаҳои дахлдори дастгоҳи раиси шаҳр ва мақомоти иҷроияи маҳаллии ҳокимияти давлатӣ дар шаҳри Қурғонтеппа дар якҷоягӣ бо дигар кумитаю идораҳо, ташкилоту муассисаҳо, корхонаҳо ва раисони кумитаҳои маҳаллаҳо вазифадор гардиданд, ки шанбегиҳои умумишаҳриро мунтазам ба роҳ монда, аз натиҷаи корҳои иҷрогардида ба мақомоти иҷроияи маҳаллии ҳокимияти давлатии шаҳр маълумот пешниҳод намоянд.