Гаравидани ҷавонон ба ҳизбу ҳаракатҳои террористӣ- масъалаи доғи ҷомеа

Душанбе, 03.02.2016 (АМИТ «Ховар»).- Имрӯз дар Китобхонаи миллии Тоҷикистон бо ташаббуси шуъбаи тарғиб ва баргузории чорабиниҳои фарҳангӣ конфронси илмӣ- оммавӣ таҳти унвони «Омилҳои тамоюли ҷавонон ба ҳизбу ҳаракатҳои экстремистию террористӣ» дар ҳошияи Паёми солонаи Асосгузори сулҳу Ваҳдати миллӣ, Пешвои миллат, президенти ҶТ муҳтарам Эмомалӣ Раҳмон ба Маҷлиси Олии Ҷумҳурии Тоҷикистон доир гардид.
Дар чорабинии мазкур номзади илмҳои филологӣ , дотсенти факултаи журналистикаи Донишгоҳи миллии Тоҷикистон Илҳомҷон Ҳамидов изҳор намуд, ки масъалае, ки имрӯз атрофи он сухан меравад, яке аз масъалаҳои меҳварие мебошад, ки он дар Паёми Президенти кишвар мавриди баррасӣ қарор гирифт, зеро вақеан гаравидани ҷавонон ба ҳизбу ҳаракатҳои экстремистию террористӣ дар замони муосир аз ҷумлаи масъалаҳои бисёр мубрам, ҳалталаб ва доғи ҷомеа мебошад.