Ховалинг: 53 хатмкунанда ба мактабҳои олии хориҷи кишвар дохил шуд

Душанбе, 06.02.2016. (АМИТ «Ховар»).- Дар соли гузашта 114 нафар хонандаи муассисаҳои таълимии ноҳия  дар озмунҳои вилоятию ҷумҳуриявӣ иштирок намуда, сазовори 21 медали тилло, 38 нуқра ва 55  биринҷӣ гардида, 378 нафар хатмкунандаи муассисаҳои таълимии ноҳия сазовори номи донишҷӯ шуданд, ки аз ин шумора 53 нафарашон ба мактабҳои олии хориҷи кишвар шомил шуданд. Барномаи компютеркунонии муассисаҳои таълимӣ  дар ноҳия 105% иҷро гардида,   масъалаи бунёду таҷдид ва таъмиру нигоҳдории муассисаҳои таълимӣ бо истифода аз имконоти молиявии дохилӣ ва ҷалби сармоягузорони ватанию хориҷӣ дар мадди назари мақомоти иҷроияи ҳокимияти давлатии ноҳия қарор дорад — иттилоъ дод Нурулло Мирзозода,  раиси ноҳияи Ховалинг зимни нишасти матбуотӣ.

— Дар соли сипаригардида сохтмони бинои муассисаи таълимӣ барои 280 хонанда (1,6 миллион сомонӣ), мактаби ибтидоӣ (45 ҳазор сомонӣ) ва 4 синфхонаи иловагӣ барои 75 хонанда (130 ҳазор сомонӣ)   мавриди  истифода қарор гирифтанд,- зикр гардид дар  нишасти матбуотӣ.