Хуҷанд: Омодагӣ ба ҷашни Қувваҳои Мусаллаҳ

Хуҷанд, 19.02.2016 (АМИТ «Ховар»).- Бо мақсади инъикоси саҳми босазои Қувваҳои Мусаллаҳи ҶТ дар ҳифзи сулҳу суботи кишвар, Истиқлолият ва якпорчагии давлат 23-юми феврал 23-солагии таъсиси Қувваҳои Мусаллаҳи Ҷумҳурии Тоҷикистон дар миқёси вилояти Суғд бо шукӯҳу шаҳомати хосса таҷлил мешавад.
Тибқи қарори раиси вилояти Суғд мақомоти иҷроияи ҳокимияти давлатии шаҳру ноҳияҳо вазифадор мешаванд, ки ба муносибати 23-солагии таъсиси Қувваҳои Мусаллаҳи Ҷумҳурии Тоҷикистон барои ободонии ёдгориҳо ва муҷассамаҳои ба хотири шаҳидон гузошташуда, оромгоҳи сарбозон ва афсарони фавтида, дастгирии моддию маънавии иштирокдорон ва маъбони ҶДҶ, ҷанговарони байналмилалӣ, ҳимоятгарони сохти конститутсионӣ тадбирҳои зарурӣ андешида, чорабиниҳои фарҳангию маърифатӣ баргузор намоянд.