И. Сатторов ба донишҷӯёни тоҷик дипломҳои Донишгоҳи давлатии техникии Маскавро тақдим кард

Душанбе, 05.02.2016 (АМИТ «Ховар»).-Сафири Тоҷикистон дар Федератсияи Русия Имомуддин Сатторов дар маросими тантанавии супоридани дипломҳои хатмкунандагони Донишгоҳи давлатии техникии авиатсияи граждании Маскав иштирок намуд.
И. Сатторов дипломҳо оид ба таҳсилоти олиро ба 5 донишҷӯи тоҷик, ки имсол ин донишгоҳро бо муваффақият хатм карданд, супорид.
И. Сатторов зимни вохӯрӣ бо донишҷӯёни тоҷик муҳимияти таҳсил дар ин донишгоҳро барои ҳамаҷониба баланд бардоштани савияи дониш ва истифодаи минбаъдаи он дар рушди соҳаи ҳавопаймоии Тоҷикистон таъкид кард.