Ин Ватанро мо ҷавонон сабзу хуррам мекунем!

Душанбе, 19.02.2016. (АМИТ «Ховар»).- Имрӯз бо ибтикори Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар доираи Амалиёти ҷумҳуриявии ҷавонон таҳти унвони «Ин Ватанро мо ҷавонон сабзу хуррам мекунем!» дар Варзишгоҳи марказии ҷумҳуриявӣ ҳашари ниҳолшинонӣ баргузор гардид.
Дар чорабинӣ кормандони дастгоҳи марказии кумита, намояндагони ташкилоти низоми варзиш, ҷавонон, донишҷӯён ва варзишгарон иштирок намуда, бештар аз 500 бех ниҳоли сояафкану ороишӣ шинониданд.
Дар ниҳолшинонӣ масъулин таъкид доштанд, ки мақсад аз баргузории ҳашар сабзазор намудани муҳити атроф ва боз ҳам ободу зебо гардонидани кишвар мебошад.
Лозим ба ёдоварист, ки Амалиёти ҷумҳуриявии ҷавонон таҳти унвони «Ин Ватанро мо ҷавонон сабзу хуррам мекунем!» аз ҷониби Кумитаи ҷавонон, варзиш ва сайёҳӣ бо мақсади ободу зебо гардонидани боғу гулгаштҳо аз 16 декабри соли 2015 ағоз гардида, то 1 марти соли 2016 идома меёбад.