Исфара: маҳфили ёдбуди ҷанговарони интернатсионалист
Исфара, 18.02.2016. (АМИТ “Ховар”).-Бахшида ба 27-умин солгарди баровардани аскарони шӯравӣ аз марзи Афғонистон дар шаҳри Исфара чорабинии поси хотир доир гашт. Тавре ки ба АМИТ “Ховар” роҳбари маркази матбуотии раиси шаҳри Исфара Иқбол Тешаев хабар дод, бо иштироки раиси шаҳр 316 нафар собиқадорони ҷанги Афғонистон ва аҳли ҷомеа ба пояи муҷассамаи ҷанговарони байналмилалӣ гулчамбар гузоштанд.
Раиси шаҳр Расулзода Дилшод баён дошт, ки он солҳо дар радифи ҳазорҳо нафар фиристодагони Тоҷикистон 350 тан ҷавонони шуҷои Исфарамарз низ дар хоки Афғонистон адои хизмати ҳарбӣ намудаанд, ки аз ин шумора 12 нафар ҷавонмардон қаҳрамонона шаҳид ва 17 нафар маъюб гаштанд. Дар ин радиф барои шуҷоату комёбиҳои ҷангӣ ва хизмати шоён дар набардҳои Афғонистон 11 нафари онон бо ордени «Ситораи сурх» ва 67 нафар бо медалҳои арзишманди ҷангӣ сарфароз гардиданд.
Ҳамчунин бо ибтикори мақомоти шаҳрӣ аҳли оилаи 53 нафар собиқадор аёдат шуда, ба онҳо кумаки моддии аввалия дастрас карда шуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






