Ислом зидди исрофкорист

Февраль 12, 2016 14:44

Душанбе,12.02.2016.(АМИТ «Ховар»).-11 феврал дар Донишкадаи молия ва иқтисоди Тоҷикистон вохӯрии намояндагони Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон бо устодону донишҷӯён дар мавзӯи «Таълимоти ислом доир ба сарфа ва сариштакорӣ» баргузор шуд.
Муовини ректор оид ба таълими донишкада Шукрулло Хайров зикр намуд, ки ҳадаф аз вохӯрии мазкур тавзеҳу ташреҳи қонунҳои амалкунандаи Ҷумҳурии Тоҷикистон ва дастуру супоришҳои Пешвои миллат вобаста ба танзими ҷашну маросим буда, барои донишҷӯён аз манфиат холӣ нест.
Намояндаи Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон Абдураҳмон Мавлонов бо овардани мисолҳо аз оёти Қуръони карим ва аҳодиси набавӣ дар бораи куфр будани исроф, ифрот ва риёкорӣ сухан гуфта, иброз дошт, ки дини ислом бар зидди исроф ва зиёдаравист. Исрофкорӣ имрӯзҳо ба таври дигар зуҳур карда истодааст, яъне он маърака ва ҷашнҳое, ки аз рӯи қонун гузаронидани онҳо дар доираи оила иҷозат дода шудааст, аз тарафи бархе аз шаҳрвандон бо дабдаба ва хароҷоти зиёд гузаронида мешаванд. Ин нафарон барои худнамоишдиҳӣ ин маъракаҳоро меороянд, ҳол он ки метавон ин маблағро барои корҳои хайру савоб дар роҳи дастгирӣ кардани ятимону ниёзмандон сарф намуд.
Мудири бахш оид ба корҳои дин, танзими анъана ва ҷашну маросимҳои миллии ноҳияи Сино Исматулло Саъдуллоев иброз дошт, ки бо қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» давлати мо ба танзими муҳимтарин рукнҳои ҳаёти иҷтимоӣ, анъана ва маросимҳои миллию динӣ рӯ оварда, барои мувофиқ намудани баргузории онҳо ба манфиати иқтисодӣ ва устувории ҳаёти иҷтимоӣ амали бениҳоят хайрро анҷом дод, ки заминаи онро арзишҳои миллӣ ва динӣ ташкил медиҳанд. Худи мардум бояд дарк намоянд, ки ин қонун барои беҳтар намудани сатҳи зиндагии онҳо ва паст намудани сатҳи камбизоатӣ мусоидат менамояд.

Февраль 12, 2016 14:44

Хабарҳои дигари ин бахш

Имрӯз дар Тоҷикистон ҳавои тағйиёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд