Истеҳсоли консерваҳо, маснуоти макаронӣ ва равғани растанӣ кам шуд

Душанбе, 09.02.2016. (АМИТ «Ховар»). — Дар соли 2015 дар ҷумхурӣ ба маблағи 12173,4 млн. сомонӣ маҳсулоти саноатӣ истеҳсол шудааст, ки нисбат ба соли 2014 индекси ҳаҷми истеҳсоли маҳсулоти саноатӣ 111,2 фоизро ташкил кард.
Дар саноати истихроҷ ҳаҷми истеҳсолот 1639,3 млн. сомонӣ, саноати коркард 7985,7 млн. сомонӣ, истеҳсолу тақсимоти қувваи барқ, газ ва об 2548,4 млн. сомониро ташкил дод.
Бино ба иттилои Агентии омори кишвар, дар давраи ҳисоботи истихроҷи ангиштсанг ва ангишти бўр, газ, истихроҷи нафт, намаки ошӣ, маводи ғайримаъдании бинокорӣ, истеҳсоли гўшт, ҳасиб, истеҳсоли маҳсулоти шири холис, равғани чорво (маска), маргарин, биринҷ, маснуоти ҷӯробу пайпоқ, пойафзоли резинӣ, дару тирезаҳо аз чўб, асфалт, собуни хоҷагӣ ва мушкин, семент, оҳаки бинокорӣ, тахтасангҳои мармарин, арматураи сохтмонӣ, трасформаторҳо, маснуоти кабелӣ, плитаҳои тарабхона, лампаҳои каммасраф ва светодиодӣ, истеҳсоли неруи барқ, қувваи ҳароратӣ ва ғайраҳо афзуд.
Ҳоло истеҳсоли консерваҳо, маснуоти макаронӣ, равғани растанӣ, меваи хушк, арақ, коняк, нахи-пахта, калобаи пахтагин, газворҳо, қолин ва маснуоти қолинӣ, чарм, бензин, сӯзишвории дизелӣ, мазут, маснуот аз пластикаи филизӣ, мех ва қубурҳои пластикӣ кам шудааст.