Истеҳсоли сабзавот дар гармхонаҳо

Душанбе, 18.02.2016 (АМИТ «Ховар»).- Мувофиқи маълумоти фаврии Раёсати растанипарварии Вазорати кишоварзии Ҷумҳурии Тоҷикистон то 12-уми феврали соли равон дар гармхонаҳои доимӣ дар майдони 63,24 гектар кишти сабзавот гузаронида шудааст.
Аз ҳисоби кишти умумӣ майдони 31,4 гектарро помидор, 15,36 гектарро бодиринг ва 16,84 гектарро дигар сабзавот ташкил медиҳанд.
То санаи мазкур аз гармхонаҳои доимии ҷумҳурӣ ба миқдори 90,1 тонна помидор, 80,7 тонна бодиринг ва 113,6 тонна дигар сабзавот ҷамъоварӣ шуда, пешкаши харидорон гардонида шуд.