Маркази ягонаи техникии қабул, коркард ва ирсоли ирсолпулиҳо таъсис ёфт

Душанбе, 05.02.2016 (АМИТ «Ховар»).- «Дар соли 2015 бо ёрдами мутахассисони Иттифоқи умумиҷаҳонии алоқаи почта Маркази ягонаи техникии қабул, коркард ва ирсоли ирсолпулиҳо таъсис дода шуда, тамоми марказҳои алоқаи почтаҳои ҷумҳурӣ бо ин марказ пайваст шуданд»,- гуфт имрӯз, 5 феврал зимни нишасти матбуотӣ Татяна Холмуродова, муовини сардори Хадамоти алоқаи назди Ҳукумати Ҷумҳурии Тоҷикистон.
Ба иттилои номбурда, марказ аз 33 компютер ва 10 принтер иборат мебошад ва ба воситаи таҷҳизоти мазкур тамоми ирсолпулиҳои воридотӣ ва содиротӣ аз ҳолати қоғазӣ ба электронӣ гузаронида шуданд.