Машварат барои кишоварзон дар Ҷиликул

Қургонтеппа, 08.02.2016. (АМИТ «Ховар) — Дар ноҳияи Ҷиликули вилояти Хатлон машварат дар мавзӯи «Истифодаи технологияи муосир-омили баланд бардоштани хосили зироати кишоварзӣ» барпо гардид.
Дар машварат иштирокдорон бо техникаи муосири кишоварзӣ шинос шуда, дар бораи истифода ва дастрас кардани техника ва ҳамкорӣ бо ҶСП «Чунтай Хатлон Син Силу» маълумот гирифтанд. Ҳамзамон мутахассисони соҳаи кишоварзии вилояти Хатлон дар бораи навъи тухмии пахта, ки барои иқлими Хатлон мусоид аст, маълумот гирифтанд. Дар назди иштирокдорони машварат раиси вилояти Хатлон Давлатшоҳ Гулмаҳмадзода сухан гуфт.
Дар кори машварат инчунин вазири кишоварзии ҶТ М.Зокирзода, намояндагони дигар сохторҳои давлатӣ ва бонкҳои тиҷоратӣ, раисони шаҳру ноҳияҳои пахтакори вилояти Хатлон ва роҳбарияти ширкати «Чунтай Хатлон Син Силу» ширкат варзиданд.