Машварати кории масъулони соҳаи маориф ва тандурустӣ дар Суғд

Февраль 24, 2016 09:58

Душанбе, 24.02.2015. (АМИТ «Ховар»).-Имрӯзҳо дар миқёси вилояти Суғд вобаста ба ташреҳи Паёми Асосгузори сулҳу Ваҳдати миллӣ, Пешвои миллат, Президенти ҶТ муҳтарам Эмомалӣ Раҳмон ва ворид намудани тағйиру иловаҳо ба Конститутсияи Ҷумҳурии Тоҷикистон чорабиниҳои маърифатӣ- фаҳмондадиҳӣ доир гардида истодаанд, ки дар онҳо аз ҷониби гурӯҳҳои корӣ ба аҳли ҷомеа моҳияту зарурати ворид намудани тағйироту иловаҳо ба Қонуни асосӣ фаҳмонида мешавад.
Аз ҷумла, дар Кохи Рӯдакии шаҳри Хуҷанд машварати вазири маориф ва илми Ҷумҳурии Тоҷикистон Нуриддин Саид, муовини вазири тандурустӣ ва ҳифзи иҷтимоии аҳолии ҷумҳурӣ Наврӯз Ҷаъфаров, доктори илмҳои ҳуқуқшиносӣ, профессор Убайдулло Азизов, муовини раиси вилояти Суғд Назира Ғаффорӣ бо сардорону мудирони шуъбаҳои маорифи вилоят ва шаҳру ноҳияҳо, ректорону устодони мактабҳои олӣ, роҳбарони муассисаҳои таҳсилоти томактабӣ, миёнаи умумӣ ва касбӣ, роҳбарон ва кормандони муассисаҳои тиббии вилоят доир ба ташвиқу тарғиби Паём, фаҳмонидани бандҳои тағйиру иловаҳо ба Сарқонуни мамлакат баргузор гардид.
Вазири маориф ва илми Ҷумҳурии Тоҷикистон Нуриддин Саид муҳимтарин нуктаҳои Паёми Сарвари давлат вобаста ба соҳаи маорифро ёдовар шуда, вазъи татбиқи қарорҳои Ҳукумати кишвар ва барномаҳои давлатии соҳаи маорифро мавриди таҳлил қарор дод.
Муовини вазири тандурустӣ ва ҳифзи иҷтимоии аҳолӣ Наврӯз Ҷаъфаров дар бораи бахши ба соҳаи тандурустӣ ва ҳифзи иҷтимоии аҳолӣ бахшидашудаи Паём, таҳлили вазъи соҳа дар вилояти Суғд ва дурнамои соҳаи мазкур сухан кард.
Моҳияту мазмуни тағйиру иловаҳо ба Конститутсияи (Сарқонуни) Ҷумҳурии Тоҷикистон дар идомаи чорабинӣ аз ҷониби доктори илмҳои ҳуқуқшиносӣ, профессор Убайдулло Азизов шарҳ дода шуд.

Февраль 24, 2016 09:58

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд