Мастчоҳ: 60-солагии азхудкунии дашти Дилварзин
Душанбе, 13.02.2016 (АМИТ «Ховар»).-Бахшида ба 25-солагии истиқлолияти давлатии Тоҷикистон ва 60-солагии азхудкунии дашти Дилварзин (ҳудуди имрӯзаи ноҳияи Мастчоҳ) дар китобхонаи марказии ноҳияи Мастчоҳ ба номи Қувват Давлат бо иштироки адибон, олимон, донишҷӯён ва хонандагони мактабҳои маркази ноҳия конфронси илмӣ-адабӣ дар мавзӯи «Мастчоҳ: Аз дирӯзи дашт то имрӯзи Бӯстон» баргузор гардид. Раиси КИ ҲХДТ дар ноҳия Дилшод Зокиров зикр намуд, ки ҳадаф аз баргузории конфронси имрӯза шинос кардани насли ҷавон бо заҳмати фидокоронаи падарону бобоён аст, ки аз диёри файзбахши Кӯҳистони Мастчоҳ ба дашти лабташнаву сӯзони Дилварзин омада, онро зархезу гулистон кардаанд. Мавсуф афзуд, ки махсусан дар солҳои Истиқлолияти давлатии Тоҷикистон корҳои ободонию созандагӣ авҷ гирифта, иншооти наву замонавӣ бунёд гардиданд. Имсол низ тибқи нақша дар маркази ноҳия — шаҳраки Бӯстон муҷассамаи Исмоили Сомонӣ бунёд ёфта, боғи истироҳатӣ, фаввораҳои шаҳрак ва дигар иншооти ҷашнӣ ба истифода дода мешаванд, ки бешак самари истиқлолияти давлатӣ мебошанд. М. Баҳодурзода, намояндаи МИҲД-и ноҳия хабар дод, ки дар моҳи март дар ҳудуди ноҳия 60-солагии азхудкунии дашти Дилварзин ҷашн гирифта мешавад. Маликнеъмат Неъматзода, сардори маҳфили адабии «Зарафшон» ва шоири шинохта дар мавзӯи «Мастчоҳ ва мастчоҳиён дар ашъори шоирони тоҷик» маъруза карда, аз ҷумла зикр намуд, ки меҳнати фидокорона ва зарбдори мардуми Мастчоҳ дар ашъори аксар шоирони машҳури тоҷик — Абулқосим Лоҳутӣ, Мирзо Турсунзода ва Лоиқ Шералӣ васф гардидааст. Фазлиддин Убайдов, номзади илмҳои филологӣ ва олими забоншинос гуфт, ки қисми зиёди калимаҳои осори гузашта дар лаҳҷаи мастчоҳиён маҳфуз мондаанд, ки далели таърихи ниҳоят куҳан доштани мардуми ин сарзамин мебошад. Ҳамчунин М. Умарзода, раиси Анҷумани тоҷикон ва форсизабонҳои ҷаҳон «Пайванд» дар вилояти Суғд, шоирон А. Хуҷаста ва М. Гулов дар тақвияти гуфтаҳои дигарон зикр намуданд, ки бо шарофати истиқлолияти давлатӣ ва ваҳдати миллӣ симои ноҳия сол то сол дигар гашта, Дилварзини дирӯза ба гӯшаи зебоманзар ва хушбоду ҳавои Тоҷикистони азиз табдил ёфтааст.
Дар шаҳру деҳоти Кӯлоб баҳри пешгирии офатҳои табиӣ соҳили дарёҳо мустаҳкам карда мешавад
«ИСТИҚБОЛИ САРБОЗИ ВАТАН ШАРАФ АСТ!». Дар шаҳри Турсунзода сарбозони аз хизмат баргаштаро бо тантана истиқбол намуданд
Дар Душанбе ҷаласаи Шурои роҳбарони мақомоти муҳоҷирати давлатҳои иштирокдори ИДМ доир мешавад
35-СОЛАГИИ ИСТИҚЛОЛИ ДАВЛАТӢ. Дар шаҳри Ваҳдат бинои Маркази саломатии деҳоти Гулистон ба истифода дода шуд
Дар Душанбе бо ҷавонони фаъол ва масъулини соҳаи кор бо ҷавонон ва варзиш мулоқот доир шуд
«МАН БА ВАТАН ХИЗМАТ МЕКУНАМ!». Баргузории иқдоми ҷумҳуриявии Кумитаи кор бо ҷавонон ва варзиш сафи ихтиёриёнро зиёд намуд
«ҲУНАР БЕҲТАР АЗ ЗАР БУВАД». Дар Душанбе даври ҷамъбастии Фестивали ҳунармандон баргузор гардид
«ОИЛАИ НАМУНАВӢ». Даври ҷамъбастии озмуни ҷумҳуриявӣ ва маросими ҷоизасупорӣ ба ғолибон доир шуд
«МО, ҶАВОНОНИ ВАТАН СОЗАНДАЕМ!». Дар шаҳри Бӯстон бахшида ба Рӯзи ҷавонони Тоҷикистон шоми ҷавонӣ доир шуд
«ИСТИҚБОЛИ САРБОЗИ ВАТАН ШАРАФ АСТ!». Дар шаҳру ноҳияҳои вилояти Суғд ин иқдомро ҷонибдорӣ менамоянд
Ҷаласаи дуюми Шурои ҷамъиятии назди Хадамоти муҳоҷират оид ба ҳамкорӣ ва қабули қарорҳои муштарак оид ба масъалаҳои муҳоҷират доир шуд
СОЛИ МАЪРИФАТИ ҲУҚУҚӢ. Дар Донишгоҳи давлатии тиббии Хатлон ҳамоиш доир шуд
