Мошин ва аспи зоти тоҷикӣ- шоҳҷоизаи шаҳрдорӣ дар Наврӯз
Душанбе, 24.02.2016.(АМИТ Ховар).- Шаҳрдории Душанбе тасмим гирифтааст, ки ба беҳтарин паҳлавони мусобиқаи гӯштини миллӣ мошини сабукрав ва ба ғолиби пойгаи аспдавонӣ аспи зоти тоҷикӣ тақдим намояд. Ин мусобиқаҳо дар рӯзҳои таҷлили ҷашни Наврӯзи фархундапай дар Наврӯзгоҳи пойтахт бо иштироки беҳтарин варзишгарон аз саросари кишвар доир мегарданд.
Ҳамзамон дар ҷаласа, ки дар ҳузури Маҳмадсаид Убайдуллоев-шаҳрдори Душанбе доир гардид, таъкид шуд, ки базмгаҳи наврӯзӣ дар соли равон Наврӯзгоҳи пойтахт бо фарогирии майдони Шаршара буда, дар ин ҷо 21 март барномаи рангини театрикунонидашуда ва дигар чорабиниҳои наврӯзӣ ташкил шуда, ҳунарҳои мардумии шаҳраку маҳаллаҳои пойтахт, ки таҷассумгари оинҳои наврӯзианд, ба маърази тамошо гузошта мешаванд.
Рӯзи 22 март тантанаҳои наврӯзии шаҳрдорӣ-сайругашти оммавии наврӯзӣ дар тамоми боғҳои фарҳангию фароғатӣ ва барномаҳои идонаи консертӣ дар сатҳи ноҳияҳо ба роҳ монда мешаванд.
Инчунин барои дар сатҳи баланд таҷлил намудани ҷашни Наврӯз 23 март дар боғҳои фарҳангу фароғатии Дӯстии халқҳо, Боғи Устод Рӯдакӣ, кӯли ҷавонон ва майдони 800-солагии Маскав баргузории чорабиниҳои наврӯзӣ дар назар аст.
Интизор меравад, ки чун анъанаи солҳои қаблӣ 24 март дар маркази шаҳр маъракаи сабзкорӣ ва ниҳолшинонии оммавӣ гузаронида шавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






