Мулоқот бо ҳамраиси Шӯрои соҳибкорони Тоҷикистону Фаронса

Февраль 15, 2016 18:07

Душанбе, 15.02.2016. (АМИТ «Ховар»). — 12 феврали соли 2016 дар Сафорати Ҷумҳурии Тоҷикистон дар Фаронса вохӯрии сафири Тоҷикистон бо намояндагони ассотсиатсияи соҳибкорони Фаронса «MEDEF International», инчунин ширкатҳои фаронсавии Oberthur Technologies ва DV-Conseil баргузор гардид. Сафири Тоҷикистон Ҳомидҷон Назаров бо раиси навтаъйини Шӯрои соҳибкорони Тоҷикистону Фаронса (ҳамраис аз ҷониби Фаронса) Кристоф Фонтен, ки ҳамзамон директори идорӣ оид ба идентификатсия дар ширкати Oberthur Technologies мебошад, самтҳои минбаъдаи ҳамкориро баррасӣ намуд. Дар вохӯрӣ инчунин менеҷери лоиҳаҳо бо кишварҳои Балкан, Туркия ва Осиёи Марказӣ дар «MEDEF International» Богдан Гаден-Фирчак, менеҷер оид ба савдо бо кишварҳои ИДМ ва Русия дар ширкати Oberthur Technologies Зора Аҳмадӣ ва Денис Вере аз ширкати DV-Conseil иштирок намуданд.
Дар мулоқот сафири Тоҷикистон намояндагони доираҳои соҳибкории Фаронсаро бо вазъи сиёсиву иқтисодии имрӯзаи Тоҷикистон ошно сохта, дар бораи лоиҳаҳои афзалиятноки сармоягузории кишвар маълумот дод. Ҷонибҳо нақшаи амали дуҷониба ва огоҳонии минбаъдаро ба манзури тақвияти муносибатҳо байни ду кишвар ва имкониятҳои татбиқи лоиҳаҳои Тоҷикистон муҳокима намуданд.
Ҷонибҳо инчунин аҳамияти иштироки ҳайати доираҳои давлатӣ ва соҳибкории Тоҷикистонро дар чорабиниҳое, ки соли 2015 аз ҷониби «MEDEF International» баргузор гардиданд, инчунин дар доираи “Ҳафтаи рақобатпазирӣ” дар Созмони ҳамкории иқтисодӣ ва рушд (ОЭСР) барпо гаштанд, баланд арзёбӣ намуданд. Зикр гардид, ки ҷонибҳо минбаъд низ кӯшиш мекунанд, ки сатҳи баланди ҳамкориро нигоҳ дошта, ширкатҳои бештари Тоҷикистону Фаронсаро барои рушди оянда ҷалб намоянд.

Февраль 15, 2016 18:07

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд