Мулоқоти Аҳтам Абдуллозода бо Бирачад Прасат

Душанбе, 10.02.2016. (АМИТ «Ховар»). — 9 феврали соли ҷорӣ мулоқоти раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Абдуллозода Аҳтам бо Сафири Ҷумҳурии Ҳиндустон дар Тоҷикистон Бирачад Прасат сурат гирифт.
Дар мулоқот масоили густариши ҳамкории дуҷониба дар самти ҷавонон, варзиш ва сайёҳӣ, роҳандозии ҳамкорӣ бо такя ба созишномаҳои баимзорасида, ҳамзамон баргузории рӯзҳои фарҳангии Ҷумҳурии Ҳиндустон дар пойтахти кишвар, ташрифи намояндагони студияи филмбардории Болливуд, баргузории ҷашнвораи синамоӣ бо ширкати ҳунармандони маъруфи ҳиндӣ дар Ҷумхурии Тоҷикистон ва дигар масоили мубрам мавриди баррасӣ қарор гирифтанд.
Зимни вохӯрӣ инчунин доир ба роҳандозии муносибатҳои муштарак барои пиёда намудани ҳамкории мутақобилан судманд байни ширкатҳои сайёҳии ҳарду кишвар, чалби бештари сайёҳон ва намояндагони сайёҳии ватанию хориҷӣ табодули афкор сурат гирифт.