Мулоқоти адибон бо донишҷӯён дар ҳошияи Паёми Пешвои миллат

Душанбе, 12.02.2016 (АМИТ «Ховар»). -Бо ибтикори Иттифоқи нависандагони Тоҷикистон ва Кумитаи иҷроияи Ҳизби Халқии Демократии Тоҷикистон 10-уми феврал дар Донишгоҳи славянии Тоҷикистону Русия вобаста ба Паёми Президенти кишвар нишаст доир гардид, ки дар он Нависандаи халқии Тоҷикистон Саттор Турсун, нависанда, сармуҳаррири ҳафтаномаи «Адабиёт ва санъат» Мансур Суруш, нависанда Бахтиёри Муртазо, шоир Акбар Абдулло, нависанда ва рўзноманигор Ҷумъа Қуддус, раиси дастгоҳи КИМ ҲХДТ Абдураҳмон Хонов ва намояндагони Раёсати донишгоҳ ширкат доштанд.
Зимни нишаст вобаста ба Паёми Президенти мамлакат Мансур Суруш иброз дошт, ки Пешвои миллат дар Паёми имсолаи худ ба масъалаи маориф таваҷҷуҳи махсус зоҳир намуда, рушди ҳамаҷонибаи онро зарур донист ва зикр кард, ки омўзиши забонҳои хориҷӣ амри ногузир аст.