Мулоқоти Неъматулло Эмомзода бо Ҳамид Читчиён

Душанбе, 17.02.2016. (АМИТ “Ховар”). -Сафири Фавқулодда ва Мухтори Ҷумҳурии Тоҷикистон дар Ҷумҳурии Исломии Эрон Неъматулло Эмомзода 16-уми феврали соли равон бо вазири неру ва ҳамраиси ҷониби эронии Комиссияи муштараки ҳамкории иқтисодӣ, тиҷоратӣ, илмӣ ва фарҳангии Тоҷикистону Эрон Ҳамид Читчиён дидору мулоқот баргузор намуд.
Зимни мулоқот масоили марбут ба ҷараёни иҷрои протоколҳои ҷаласаи 10-уми Комиссияи муштараки ҳамкории иқтисодӣ, тиҷоратӣ, илмӣ ва фарҳангии Тоҷикистону Эрон ва Кумитаи пайгирии он мавриди баррасии ҷонибҳо қарор гирифтанд.
Ҳамзамон сафири Тоҷикистон ва вазири неруи ҶИЭ оид ба анҷоми пурраи нақби “Истиқлол”, ки тавассути паймонкорони эронӣ иҷро мешавад, музокира намуда, барои баргузории ҷаласаи навбатии Комиссияи муштараки ҶТ ва ҶИЭ заминагузорӣ карданд.