Мулоқоти Тоҳир Каримзода бо Искандар Кабиров
Душанбе, 17.02.2016 (АМИТ «Ховар»).- Сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон Тоҳир Каримзода муовини якуми сардори департаменти кумаки ҳуқуқӣ ба шаҳрвандони собиқ давлатҳои иттифоқ дар шаҳри Маскави Федератсияи Русия Искандар Кабировро ба ҳузур пазируфт.
Зимни мулоқот сардори хадамот Тоҳир Каримзода оид ба қонунгузориҳои нави Федератсияи Русия, мақоми муҳоҷирон, раванди муҳоҷирати меҳнатӣ, вазъият ва дурнамои муҳоҷират, касбомўзии муҳоҷирон, донистани забонҳои хориҷӣ, аз ҷумла забони русӣ, инчунин риояи қоидаҳои будубоши кишвари қабулкунанда сухан гуфт.
Имрўзҳо Хадамоти муҳоҷират барои ба танзим даровардани раванди муҳоҷират ва сафарбаркунии муҳоҷирон дар масири дуруст тадбирҳои судманд меандешад.
Аз ин лиҳоз моро лозим аст, ки ба муҳоҷирони тоҷик -шаҳрвандони Тоҷикистон, ки дар минтақаҳои гуногуни Федератсияи Русия фаъолият менамоянд, кумак намоем, то онҳо худашонро танҳо ҳис накунанд,- иброз дошт сардори Хадамоти муҳоҷират.
Искандар Кабиров мухтасар дар бораи фаъолияти ташкилоти ҷамъиятии худ маълумот дода, арз намуд, ки шумораи зиёди шаҳрвандони Тоҷикистон ва дигар халқиятҳои собиқ давлати Шуравӣ дар шаҳри Маскав ва вилоятҳои он зиндагӣ ва фаъолият менамоянд. Ташкилот бо онҳо ҳамеша дар тамос буда, аз аҳволи онҳо бохабар аст ва кумакҳои ҳуқуқии худро мерасонад.
Дар фарҷоми мулоқот тарафҳо омодагии худро барои тақвият ва густариши ҳамкории минбаъда баён доштанд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






