Муроҷиати бештари шаҳрвандон ба ВҲИ ба мақомоти ҳифзи ҳуқуқ рабт доранд
Душанбе, 12.02.2016.(АМИТ “Ховар”).- Ба мақомоти Ваколатдор оид ба ҳуқуқи инсон дар соли гузашта беш аз 3 400 шаҳрванд муроҷиат намудаанд, ки ин омор дар қиёс ба соли 2014-ум 222 нафар зиёд аст. Аз муроҷиати шаҳрвандон беш аз 500 ададаш ба дастгоҳи марказии Ваколатдор оид ба ҳуқуқи инсон рост меояд, ки аз он 251- тоаш ба таври хаттӣ ва 275 ададаш ба таври шифоҳӣ ворид гардидаанд.
Инчунин наздик ба се ҳазор муроҷиати шаҳрвандон дар қабулгоҳҳои ҷамъиятии Ваколатдор оид ба ҳуқуқи инсон ба қайд гирифта шудааст, ки он нисбат ба соли 2014 -ум 238 адад зиёд аст.
Зариф Ализода -Ваколатдор оид ба ҳуқуқи инсон дар Ҷумҳурии Тоҷикистон мегӯяд, ки муроҷиати шаҳрвандон бештар ба масъалаҳои оилавӣ, замин, манзил, ҳуқуқ ба меҳнат, молу мулк, таъминоти иҷтимоӣ ва ҳуқуқ ба муҳокимаи одилонаи судӣ рабт доранд. Омбудсмени тоҷик афзуд, ки қисми бештари муроҷиати хаттии шаҳрвандон ба мақомоти судӣ -66 адад, прокуратура -12 адад, Вазорати корҳои дохилӣ 26 адад мансуб мебошад.
Зариф Ализода таъкид кард, ки дар ин давра ҳамзамон ба мақомоти Ваколатдор оид ба ҳуқуқи инсон гурезаҳои Афғонистон, ки муваққатан дар кишвари мо зиндагӣ менамоянд, дар масъалаи гирифтани мақоми паноҳандагӣ муроҷиат намудаанд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






