Мутахассисонии Палатаи ҳисоб дар кишварҳои пешрафта касбияташонро баланд бардоштанд

Душанбе,09.02.2016.(АМИТ «Ховар»).-«Мутахассисони Палатаи ҳисоби кишвар донишу малакаи худро дар бархе аз кишварҳои мутараққии ҷаҳон тақвият мебахшанд. Дар ин росто, дар соли сипаришуда кормандони Палатаи ҳисоби ҷумҳурӣ дар машғулиятҳои бозомӯзӣ, ки дар кишварҳои Русия, Эрон, Туркия, Корея, Малайзия ва Арманистон доир гардиданд, фаро гирифта шуданд.
Ба машғулиятҳои омӯзишӣ ҷалб намудани кормандони Палатаи ҳисоби ҷумҳурӣ дар доираи таҳкими ҳамкории ин мақоми олии назорати молиявии кишвар бо созмонҳои бонуфузи байналмилалӣ, ба мисли «INTOSAI», «ECOSAI», «ASOSAI» ҷараён гирифтааст.
Дилмурод Давлатзода-раиси Палатаи ҳисоби ҷумҳурӣ мегӯяд, ки машғулиятҳои бозомӯзӣ фарогири мавзӯъҳои татбиқгардонии меъёрҳои байналмилалии мақомоти олии назорати молиявӣ, баҳодиҳӣ ба низоми аудити дохили мақомоти тобеъ аз ҷониби мақомоти олии назорати молиявӣ, таҳияи меъёрҳои назорати давлатии молиявӣ /аудит/ барои мақомоти олии назорати молиявии кишварҳои Иттиҳоди Давлатҳои Мустақил буданд.