Наздикшавии Тоҷикистон бо ҷаҳони араб идома дорад
Душанбе, 18.02.2016 (АМИТ «Ховар»). — Дар доираи иштирок дар форуми ҷаҳонии соҳибкории давлатҳои ИДМ-2016 таҳти унвони «ИДМ: роҳҳои қадимӣ — имкониятҳои нав» дар Дубай (АМА) раиси Палатаи савдо ва саноати Тоҷикистон Шариф Саид бо президенти Палатаи савдо ва саноати Дубай Маҷид Сайф ал-Гурйер мулоқот намуд.
Ш. Саид ҳамсуҳбаташро бо афзалиятҳои асосии сармоягузории Тоҷикистон бо назардошти чунин соҳаҳои афзалиятнок, ба монанди гидроэнергетика, кӯҳкорӣ, саёҳат, истеҳсолу коркарди маҳсулоти кишоварзӣ, саноат, бунёди корхонаҳои муштарак оид ба коркарди сабзавот ва меваҷот шинос намуд.
«Тоҷикистон ва Аморати Муттаҳидаи Араб (АМА) барои рушди манфиатҳои мутақобила имкониятҳои васеъ доранд. Заминаи ҳуқуқии мавҷуда, фаъолияти пурсамари комиссияи байниҳукуматӣ, парвози мустақими хатсайри «Душанбе-Дубай» барои ҳамкории тиҷоратӣ-иқтисодии ҳар ду ҷониб шароити мусоид фароҳам меоваранд», — таъкид дошт раиси Палатаи савдо ва саноати ҶТ.
Ш.Саид наздикшавии Тоҷикистонро бо ҷаҳони араб муҳим арзёбӣ намуд, ки далели он раванди барқарории робитаҳои мустақим миёни соҳибкорони Тоҷикистон ва АМА мебошад. Баимзорасонии созишномаҳо оид ба татбиқи лоҳиаҳои сармоягузории мутақобилан судманд ва инчунин ифтитоҳи консулгарии Тоҷикистон дар АМА ва консулгарии АМА дар Тоҷикистон натиҷаи ин наздикшавӣ мебошанд.
Маҷид Сайф ал-Гурйер Тоҷикистонро шарики муҳими тиҷоратӣ номида, изҳори умед кард, ки кӯшишҳои ҳарду ҷониб дар кушодани имконоти нав барои ҳамкорӣ кумак мерасонанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






