Оғози машғулияту вохӯриҳо бо хатмкунандагон
Душанбе, 01.02.2016. (АМИТ “Ховар”). — Ба иттилои Маркази миллии тестии назди Президенти Ҷумҳурии Тоҷикистон Вазорати маориф ва илми Ҷумҳурии Тоҷикистон ва марказ тибқи “Тартиби баргузории имтиҳонҳои марказонидаи дохилшавӣ ба муассисаҳои таҳсилоти миёна ва олии касбии Ҷумҳурии Тоҷикистон” Курси омӯзишии низоми ИМД-ро дар се сатҳ — ҷумҳуриявӣ, шаҳрӣ/ноҳиявӣ ва муассисаҳои таълимии дахлдор ташкил мекунанд. Курси мазкур аз рӯи маводи иттилоотиву методии омодакардаи марказ: дастури иттилоотиву методии “Роҳнамои довталаб” ва “Барнома ва модули курси омӯзиши низоми имтиҳонҳои марказонидаи дохилшавӣ”, ки ба тамоми муассисаҳои таълимии дахлдор ройгон тақсим шудаанд, гузаронида мешавад. Инчунин дар баробари маводи иттилоотии мазкур, ба муассисаҳои таълимӣ Маҷмӯаи саволу масъалаҳои тест ва диск (намунаи электронии маводи лозимӣ) тақсим шудааст.
Курси омӯзиши низоми имтиҳонҳои марказонидаи дохилшавӣ дар сатҳи ҷумҳурӣ 18-20 январ ва шаҳр/ноҳияҳо 27-29 январ (дар сатҳи ҷумҳурӣ аз ҷониби кормандони марказ, дар сатҳи шаҳр/ноҳияҳо аз ҷониби таблиғгарони омӯзонидашуда — кормандони раёсат ва шуъбаҳои маорифи 68 шаҳру ноҳияи кишвар) аллакай гузаронида шуд. Дар маҷмӯъ, барои чорабинии мазкур 92 намояндаи раёсат ва шуъбаҳои маорифи 68 шаҳру ноҳияи кишвар ҷалб гардидаанд.
Мутобиқи фармоиши Вазорати маориф ва илми Ҷумҳурии Тоҷикистон курси омӯзишӣ 1-уми феврали соли 2016 дар сатҳи муассисаҳои таълимӣ шурӯъ мегардад. Ёдовар мешавем, ки курси омӯзишро барои хатмкунандагони муассисаҳои таълимии таҳсилоти миёнаи умумӣ муаллимони онҳо, ки дар сатҳи шаҳр/ноҳияҳо барои омӯзиш ҷалб шуда буданд, доир менамоянд.
Аз ҷониби кормандони марказ бо хатмкунандагон, инчунин бо муаллимон ва падару модарони эшон аз 2-юм то 29-уми феврали соли равон вохӯриҳо баргузор мешаванд. Ба падару модарони хатмкунандагон тавсия дода мешавад, ки дар бораи ҷадвали баргузории вохӯриҳо аз муассисаҳои таълимӣ маълумот гирифта, дар онҳо иштирок намоянд.








Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид






