Ғолибони мусобиқаи камонварӣ ба Якутск мераванд

Февраль 25, 2016 16:17

Душанбе, 25.02.2016 (АМИТ «Ховар»).- Дар Варзишгоҳи марказии шаҳри Душанбе мусобиқаи камонварӣ байни наврасони солҳои таваллудашон 2001-2003 барпо гардид. Мусобиқаро Кумитаи миллии олимпии Тоҷикистон дар ҳамкорӣ бо Федератсияи камонварии кишвар баргузор намуд. «Ҳадаф аз баргузории мусобиқаи камонварӣ омодагӣ ба Бозиҳои олимпии наврасон буд, ки соли 2018 дар шаҳри Буэнос-Айреси Аргентина доир мегардад. Дар ин мусобиқа писарону духтарон дар тирандозӣ ба масофаҳои 60 ва беш аз 60 метр рақобат карданд», — иброз дошт Маҳмуд Абдуллоев, сардори шуъбаи варзиши Кумитаи миллии олимпии Тоҷикистон.
Дар сабқати писарон Абдуллохон Иброҳимов бо 554 имтиёз ғолиб шуд. Шоҳрух Ҷабборов бо 441 имтиёз ҷойи дуюмро касб кард. Амирҷон Муъминов бо 438 имтиёз дар ҷойгоҳи сеюм қарор гирифт.
Дар сабқати духтарон варзишгарони мактаби ҷумҳуриявии маҳорати олии варзишӣ оид ба риштаҳои амалӣ маҳорати хуб нишон доданд. Ҷойи аввал бо 457 имтиёз насиби Дилноз Шарифова гардид. Нафиса Расулова бо 411 имтиёз ҷойи дуюмро ишғол намуд. Амина Азизова бо 298 имтиёз мақоми сеюмро соҳиб шуд.
Ба ин тартиб, ғолибон имкон пайдо карданд, ки дар Бозиҳои байналмилалии «Бачагони Осиё», ки имсол дар шаҳри Якутски Русия баргузор мешавад, ширкат варзанд. Ҳамчунин ин мусобиқа ҷоизадоронро водор месозад, ки барои ба даст овардани роҳхатҳо ба Бозиҳои олимпии наврасони соли 2018 дар Буэнос-Айрес омодагии ҷиддӣ бигиранд.

Февраль 25, 2016 16:17

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд