Озмуни ҳарбию варзишии “Сипар” ҷамъбаст гардид
Душанбе, 16.02.2016 (АМИТ «Ховар»).- Дар муассисаи таълимии миёнаи умумии №22-и шаҳри Хуҷанд даври минтақавии вилоятии озмуни ҳарбию варзишии “Сипар” ҷамъбаст гардид. Дастаҳои шаҳру навоҳии Хуҷанд, Истиқлол, Ҷаббор Расулов, Ашт ва Мастчоҳ дар озмун аз рӯи 11 намуд мусобиқаҳои варзишӣ байни ҳам қувваозмоӣ намуданд.
Хайати ҳакамон озмунро воқеъбинона ҷамъбаст намуд. Аз рӯи натиҷаҳо ҷойи аввал насиби шаҳри Хуҷанд, ҷойи дуввум насиби ноҳияи Мастчоҳ шуда, мақоми сеюмро дастаҳои ноҳияҳои Ашт ва Ҷаббор Расулов сазовор гардиданд.
Ба ғолибон дар вазъияти тантанавӣ ифтихорнома супорида шуд.