Паём қутбнамои мост!

Душанбе, 27.02.2016. (АМИТ «Ховар»). — Дар мақомоти иҷроияи ҳокимияти давлатии ноҳияи Ғончӣ бо иштироки фаъолону намояндагони кумитаҳои маҳалла ва деҳаҳои ноҳия дар мавзӯъҳои «Эмомалӣ Раҳмон — Асосгузори сулҳу Ваҳдати миллӣ», «Паёми Пешвои миллат — қутбнамои мост» ва «Тағйиру иловаҳо ба Конститутсия ин талаботи замон аст» мулоқоти вакили Маҷлиси намояндагони Маҷлиси Олии Ҷумҳурии Тоҷикистон Зуфар Исмоилзода ва гурӯҳҳои тарғиботӣ баргузор шуд.
Зуфар Исмоилзода дар симои иштирокдорон ба кулли мардуми меҳнатқарини ноҳияи Ғончӣ миннатдории намояндагони халқро расонида, хусусан барои иштироки фаъолона дар интихоботи соли 2015, барои меҳнати покдилона, ҷонибдории ҳаматарафаи сиёсати хирадмандонаи Асосгузори сулҳу Ваҳдати миллӣ, Пешвои миллат, Президенти ҶТ муҳтарам Эмомалӣ Раҳмон ва дастовардҳои намунавию беҳтарини диёр сухан гуфт. Вакили мардумӣ дар атрофи нуктаҳои асосии Паёми Пешвои миллат ҳарф зада, бо далелу рақамҳо аз пешравии иқтисодиёту иҷтимоиёти мамлакат, рушду тараққиёти босуботу муназзами тамоми соҳаҳои хоҷагии халқ мисолҳо оварда, нақшаю ҳадафҳои роҳбарияти олии кишварро барои соли 2016 бори дигар хотирнишон намуд.
Дар мулоқот зикр гардид, ки қабул гардидани Қонуни Ҷумҳурии Тоҷикистон «Дар бораи Асосгузори сулҳу Ваҳдати миллӣ, Пешвои миллат», Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон ва ворид намудани тағйиру иловаҳо ба Конститутсия дар ҳаёти ҷавонон басо муҳим ва саривақтӣ буда, чунин зуҳуроти сиёсиву таърихиро барои пешравии минбаъдаи ҷавонон дар тамоми соҳаҳо фароҳамоварандаи имконоти мусоиду самарабахш эътироф карданд.