Пешгирии бемориҳои сироятӣ дар Роғун

Душанбе, 08.02.2016 (АМИТ «Ховар»).- «Хушбахтона, соли 2015 дар шаҳри Роғун бемориҳои хавфнок, аз ҷумлаи ҳорӣ, сӯхтанӣ, фалаҷ ва тоун ба қайд гирифта нашудааст»,-гуфт роҳбари Маркази назорати давлатии санитарӣ- эпидемиологии шаҳри Роғун Суннатулло Ятимов.
Ба гуфтаи Суннатулло соли сипаришуда ҳамагӣ 6 нафар ба бемории зардпарвини «А» гирифтор шудаанд. Маркази назорати давлатии санитарӣ- эпидемиологии шаҳри Роғун дар соли 2015 барои пешгирии бемории ҷоғар аз мағозаҳои хӯроквории шаҳр ба миқдори 330 кг намакҳои пастсифати бе ёдро дарёфт карда, аз муомилот гирифт. Инчунин соли гузашта маркази мазкур дар байни кӯдакони аз 5 то 14- солаи шаҳр ду маротиба барои пешгирии бемории кирм, маъракаи бекирмгардонӣ баргузор намуд, ки дар он ба 14 ҳазору 643 кӯдак ба таври ройгон доруи албендазол дода шуд.