«Пешоҳанг» дар меҳмонии сокинони ҷамоати деҳоти «Рарз»-и ноҳияи Айнӣ

Душанбе, 02.02.2016. (АМИТ «Ховар»). — Дирӯз бо ташаббуси гурӯҳи ҷавонони «Пешоҳанг», Бахши ҷавонон, варзиш ва сайёҳии ноҳияи Айнӣ ва ташкилоти ҷамъиятии «Созандагони Ватан» дар Муассисаи таҳсилоти умумии №3-и ҷамоати деҳоти «Рарз»-и ноҳияи Айнӣ бо иштироки хонандагон ва сокинони ҷамоати мазкур вохӯрӣ доир гардид. Зимни вохӯрӣ намояндагони гурӯҳи ҷавонони «Пешоҳанг», Бахши ҷавонон, варзиш ва сайёҳии ноҳияи Айнӣ ва ташкилоти ҷамъиятии «Созандагони Ватан» доир ба нуктаҳои асосии Паёми Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, тарбия намудани насли ҷавон дар рӯҳияи ватандӯстӣ, омӯхтани илму дониш ва дигар мавзӯъҳои мубрами рӯз, аз қабили пешгирии шомилшавии шаҳрвандон ба ҳизбу ҳаракатҳои ифротӣ ибрози андеша намуданд.
Хонандагони Муассисаи таҳсилоти умумии №3 ва сокинони меҳнатқарини ҷамоати деҳоти «Рарз»-и ноҳияи мазкур изҳор карданд, ки аз Паёми имсолаи Асосгузори сулҳу ваҳдати миллӣ, Пешвои миллат,Президенти Ҷумҳурии Тоҷикистон муҳтарам Эмомалӣ Раҳмон рӯҳу илҳоми тоза гирифта, онро сармашқи фаъолияти худ хоҳанд намуд.