Саҳми маркази табобатии «Шоҳёр» дар табобати мардум

Душанбе, 6.02.2016 (АМИТ «Ховар»).- Дар соли сипаригардида беш аз 500 бемор тавассути усулҳои гуногун- масҳ, гиёҳдармонӣ ва дигар дорую дармони маркази табобатии «Шоҳёр» шифо ёфтаанд,- иброз дошт Бахтиёр Шоҳев, роҳбари маркази мазкур.

Фаъолияти маркази мазкур аз соли 2012 оғоз гардид. Кормандони марказ баъди гузаштани давраи омӯзишии семоҳа дар маркази ҷумҳуриявии тибби халқӣ дар назди Вазорати тандурустии ҶТ ба кор оғоз намуданд.

Б.Шоҳев мегӯяд: «Мо кӯшиш менамоем, ки  сиҳатии шаҳрвандон хуб бошад, онҳо дорои тани солим, андешаи солим ва неруи хастанопазир бошанд, зеро ҷомеаи солим аз афроди солим иборат буда, ба самти рушду тараққӣ қадамҳои устувор мегузорад».