Самаранокии идоракунии молияи давлатӣ
Душанбе,22.02.2016. (АМИТ «Ховар»).- Дар Донишкадаи молия ва иқтисоди Тоҷикистон (ДМИТ) дар мавзӯи «Самаранокии идоракунии молияи давлатӣ дар шароити иқтисодиёти хурди кушодаи Ҷумҳурии Тоҷикистон» конфронси илмию назариявии ҷумҳуриявӣ доир гардид.
Тавре ки котиби матбуоти донишкада Машҳура Абдуллоева хабар дод, ректори ДМИТ Ашӯрбой Солеҳзода зикр намуд, ки ҳадаф аз баргузории конфронс дар асоси таҳлили назариявӣ ва амалии равандҳои маблағгузорию қарздиҳӣ ва таҷрибаи навгониҳои бозоргонӣ дар соҳаи иқтисодиёт ва ҷараёни буҷетӣ асосёфта, мусоидат намудан ба беҳтаркунии идоракунии молияи давлатӣ дар Ҷумҳурии Тоҷикистон мебошад.
Бояд гуфт, дар ДМИТ айни замон Лоиҳаи Иттиҳоди Аврупо «LOT:1 Дастгирии самтҳои алоҳидаи ислоҳоти идоракунии молияи давлатии EuropeAid/134384/DH/SER/TJ» татбиқ мегардад, ки дар амалинамоии ҳадафҳои муҳими ислоҳот дар самти мукаммалнамоии идораи молияи давлатӣ ва низоми тайёркунӣ ва такмилдиҳии кадрҳои ин соҳа бо дастгирии кумаки техникии ИА мусоидат менамояд. Баргузории конфронс низ натиҷаи амали ин лоиҳа ба шумор меравад, гуфт мавсуф.
Дар конфронс намояндагон аз ташкилоту муассисаҳои давлатӣ, макотиби олӣ ва коршиносону олимони соҳа иштирок ва маърӯзаҳо карданд. Аз ҷумла муовини раиси Бонки миллии Тоҷикистон Сироҷиддин Икромов дар бораи низоми бонкии ҷумҳурӣ дар шароити буҳрони молиявӣ, сиёсати пулию қарзӣ, қурби пули миллӣ, қатъ гардидани фаъолияти нуқтаҳои мубодилаи асъор, ташкилоти хурди қарзии басташуда, муаммоҳои дар низоми бонкӣ мавҷудбуда истода гузашт. Мавсуф аз ҷумла надоштани стратегияи ҷалби захираҳои даврозмуҳлат, ба бозомӯзӣ ҷалб нашудани мутахассисон, номукаммал будани низоми идоракунии дороиҳо ва уҳдадориҳо, сатҳи пасти риояи қоидаҳои қарздиҳиро муаммоҳои асосии низоми бонкӣ хонда, барои беҳтар кардани корҳо тавсияҳои судманд дод.
Дар баромадҳо гуфта шуд, ки нишондиҳандаи муҳими иқтисоди бозаргонӣ ин некуаҳволии халқ, субъектҳои хоҷагидорӣ ва аҳолӣ аст, ки ба устувории низоми молиявӣ ва муомилоти пулӣ асос меёбад. Норасоии захираҳои молиявӣ дар сатҳи давлат ва корхонаҳо аз он шаҳодат медиҳад, ки бӯҳрони иқтисодӣ ба вуҷуд омадааст. Барои аз ин бӯҳрон баромадан чораҳои солимгардонии вазъи молиявии давлатӣ зарур аст. Аз ин лиҳоз, молия фишанги асосии танзимкунандаи давлатии иқтисодиёт шинохта шудааст. Идоракунӣ ва фаъолияти хоҷагидорӣ дар иқтисодиёти бозорӣ масъулияти хизматчиёни давлатиро афзун намуда, дар доираи молия ва баҳогузорӣ ташкил ва истифодабарии самараноки молияи давлатиро талаб мекунад.








Имрӯз дар Тоҷикистон ҳавои тағйиёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






