Шумораи андозсупорандагон афзудааст

Муъминобод, 05.02.2016 (АМИТ «Ховар»).-Дар ноҳияи Муъминободи вилояти Хатлон бо ташкили корхонаҳои хурду миёна шумораи андозсупорандагон ба маротиб боло рафта, воридоти андозҳо аз рӯи нақша дар 12 моҳи соли сипаришуда 11 миллиону 307 хазору 128сомониро дар бар мегирад, ки ин 95,2 фоизро ташкил мекунад. Аз рӯи маълумот аз 9 рӯи намуди андозҳои нақшавӣ нақшаи пешбинишуда сифатан иҷро гардидааст.

Бақияпулиҳо дар ин давра 2 милиону 600 ҳазору 64 сомониро дар бар мегиранд. Ҳамзамон барои маҷбуран ситонидани қарзи андоз аз ҷониби кормандони соҳа 13 қарор, 459 огоҳнома, 100 санади маъмурӣ ба маблағи 1 миллиону 874 ҳазору 816 сомонӣ қабул гардида, 1 миллиону 142 ҳазору 444 сомонӣ маблағ ба буҷет ворид шудааст.