«Созандагони Ватан» дар тарғиби бандҳои Паёми Пешвои миллат фаъоланд
Душанбе, 10.02.2016. (АМИТ «Ховар»). -Имрўз, 10- уми феврали соли равон дар қӯшунҳои хушкигарди Ҷумҳурии Тоҷикистон бо иштироки кормандони масъули ҲХДТ, аъзои фаъоли ТҶҶ «Созандагони Ватан» ва дигар ниҳодҳои марбутаи Вазорати мудофиаи кишвар оид ба Паёми навбатии Асосгузори сулҳу Ваҳдати миллӣ, Пешвои миллат муҳтарам Эмомалӣ Раҳмон ҳамоиш доир гардид.
Ширкаткунандагон оид ба нуктаҳои муҳими Паём ёдовар шуда, иброз доштанд, ки дар Паём Сарвари давлат бештар ба ҳифзи марзу буми кишвар, оромиву субот дар ҷомеа, таҳкими истиқлолият ва ваҳдати миллӣ, тарбияи ҷавонон дар руҳияи худшиносиву ватандӯстӣ, пешгирии ҷавонон аз шомилшавӣ ба ҳизбу ҳаракатҳои ифротӣ, мураккаб гардидани вазъи сиёсии ҷаҳон, бархӯрди тамаддунҳо, ҳадафҳои нопоки гурӯҳҳои ба ном исломӣ таъкидҳо намуданд.
Дар идомаи ҳамоиш оид ба саҳми афсарону сарбозони қӯшунҳои хушкигард дар таъмини амнияти якпорчагии кишвар ёдоварӣ гардида, бо бовари зиёд зикр шуд, ки барои ҳимояи марзу буми кишвар дар марҳилаи бисёр ҳассоси имрўза зиракии сиёсиро аз даст надиҳанд.
Баргузории чунин чорабиниҳо дар давоми ҳафта дар дигар қисмҳои ҳарбӣ аз ҷониби ТҶҶ «Созандагони Ватан» ба нақша гирифта шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






