Т. Эрдуғон: «Туркия ҳуқуқ дорад, ки террористонро дар дигар кишварҳо нобуд созад»

Душанбе, 22.02.2016 (АМИТ «Ховар»). — Президенти Ҷумҳурии Туркия Реҷеп Тайип Эрдуғон изҳор дошт, ки Туркия ҳуқуқ дорад дар ҳудуди дигар кишварҳо зидди террористон мубориза барад.
Ба гуфтаи ӯ, чунин ҳолатҳо имконпазиранд, агар дар хориҷ воҳидҳои низомии ғайриқонунӣ таҳдид ё хатари эҳтимолӣ ба Туркия дошта бошанд.
«Туркия комилан ҳуқуқ дорад, дар Сурия ва дигар кишварҳо, ки он ҷо гурӯҳҳои террористӣ асос ёфтаанд, амалиёти зиддитеррористӣ гузаронад, зеро ин қисме аз мубориза бо таҳдидҳои ба мо рӯ ба рӯ истода аст», — гуфт Т. Эрдуғон.
Ҳамчунин, президенти Туркия афзуд: «Агар паҳлӯи ҳуқуқии ин масъаларо дида бароем, чунин амалиёти ҳарбӣ вайрон намудани соҳибихтиёрии давлатҳои дигар ба шумор намеравад».