Ташреҳи Паёми Пешвои миллат дар ДМИТ
Душанбе, 10.02.2016. (АМИТ «Ховар»). — Имрӯз, 10 феврал бо мақсади ташреҳи Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ба донишҷўён дар факултети менеҷмент ва ҳуқуқи молиявии Донишкадаи молия ва иқтисоди Тоҷикистон чорабинӣ доир гардид.
Декани факултет, номзади илмҳои сиёсатшиносӣ Ҷурахон Шарипов, дотсенти кафедраи фанҳои гуманитарӣ Сироҷиддин Эмомов дар бораи нуктаҳои асосии Паём ибрози андеша намуданд. Таъкид шуд, ки дар Паёми имсола Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мавриди тарбияи ҷавонон дар руҳияи худшиносии миллӣ, пешгирии онҳо аз пайравӣ ба гурӯҳҳои ифротӣ ва ҳифзи манфиатҳои миллӣ, бобати рушди соҳаи кишоварзӣ, истифодаи самараноки маблағҳои буҷетию сиёсати молиявию қарзии мамлакат, муътадилии сатҳи нархҳо, баланд кардани қурби асъори миллӣ, рушди соҳаи энергетика, сохтмони роҳу пулҳо ва густариши ҳамкории иқтисодӣ бо шарикони рушд ва таъсиси ҷойҳои нави корӣ дастуру супоришҳои амиқ дод.
Зикр гардид, ки иҷрои онҳо имконпазир буда, танҳо аз масъулини сохторҳо фаъолияти босамари иҷрои саривақтии барномаҳои давлатию соҳавиро талаб менамояд.
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
