Қуръакашии бозиҳои ниҳоии Ҷоми ФФТ

Душанбе, 29.02.2016 (АМИТ «Ховар»).-Имрӯз дар Федератсияи футболи мамлакат қуръакашии бозиҳои ниҳоии Ҷоми ФФТ баргузор гардид. Ба гурӯҳи “А” дастаҳои “Хуҷанд”, КМВА “Помир” “Саройкамар”ва “Истиқлол” ва ба гурӯҳи “Б” “Регар ТадАЗ”, “Хайр”, Қайроққум”ва “Вахш” шомил шуданд.
Бозиҳои ниҳоии гурӯҳӣ ба тариқи даврӣ гузаронида шуда, ду дастаи беҳтарини гурӯҳҳо ба вохӯриҳои нимниҳоӣ суъуд мекунанд.
Дар бозии нахустин рӯзи 1 март дастаҳои “Истиқлол” ва “Саройкамар” вориди рақобат мешаванд.
Рӯзҳои 2 ва 3 март “Хуҷанд” бо КМВА “Помир”, “Регар ТадАЗ” бо “Вахш” ва “Хайр” бо “Қайроққум” ба дидори ҳам мераванд.