“Вахш”-ғолиби минтақаи Хатлон

Душанбе, 27.02.2016 (АМИТ «Ховар»).-Дирӯз дар вохӯрии ниҳоии Ҷоми ФФТ дастаи “Вахш”-и Қурғонтеппа дар варзишгоҳи Данғара бар “Саройкамар” бо натиҷаи 2 бар 0 пирӯз гардида, дар минтақаи Хатлон соҳиби ҷои аввал гардид. Ин ду даста муборизаро барои Ҷом идома дода, ба бозиҳои ниҳоӣ роҳхат гирифтанд.
Дар минтақаи вилояти Суғд дастаҳои “Хуҷанд” ва “Қайроққум”низ ба бозиҳои ниҳоӣ роҳхат гирифта, ба шаҳри Душанбе меоянд.
Ба ҳамин тариқ, дар ҳама минтақаҳо мусобиқаҳо ҷамъбаст шуданд ва дастаҳои “Регар ТадАЗ”, КМВА “Помир”, “Истиқлол”, “Хайр”, “Вахш”, “Саройкамар”, Хуҷанд” ва “Қайроққум” дар ду гурӯҳ дар шаҳри Душанбе барои ноил шудан ба Ҷоми ФФТ-2016 бо ҳам рақобат мекунанд.