“Вазъи забони модарӣ дар муассисаҳои томактабии шаҳри Душанбе”

Февраль 19, 2016 16:21

Душанбе, 19.02.2016. (АМИТ «Ховар»).- “Вазъи забони модарӣ дар муассисаҳои томактабии шаҳри Душанбе”- таҳти чунин унвон мизи мудаввар бахшида ба Рӯзи байналмилалии забони модарӣ дар толори Кумитаи забон ва истилоҳоти назди Ҳукумати Ҷумҳурии Тоҷикистон баргузор гардид.
Раиси Кумитаи забон ва истилоҳот Гавҳар Шарофзода чорабиниро ифтитоҳ намуда, доир ба “Барномаи рушди забони давлатии Ҷумҳурии Тоҷикистон барои солҳои 2012-2016” ва омӯзиши забони давлатӣ дар муаасисаҳои таълимии кишвар сухан гуфт.
Дар мизи мудаввар, ки намояндагони Вазорати маориф ва илм, раёсат ва шуъбаҳои маориф, инчунин боғчаҳои бачагонаи ноҳияҳои пойтахт иштирок доштанд, оид ба рушди забони давлатӣ, пос доштани манзалати забон, таъсири забони давлатӣ дар тарбияи кӯдак ва гиромидошти забони давлатӣ маърӯзаҳои пурмӯҳтаво намуданд.
Дар анҷоми чорабинӣ аз ҷониби иштирокдорон пешниҳод шуд, ки мураббияҳо пайваста аз фанни забони давлатӣ бояд курси омӯзишӣ гузаранд. Дар барномаҳои таълимиву тарбиявии кӯдакистонҳо омӯзиши забони давлатӣ ҷоннок карда шавад. Баргузории озмуни беҳтарин гӯянда, ровӣ, наттоқ бо забони давлатӣ мунтазам доир гардида, ҳамасола натиҷагирӣ шавад. Дар муассисаҳои томактабии кишвар ҳусни хатти беҳтарин ва дигар фаъолиятҳо, ки неруи ақлӣ ва зеҳнии кӯдаконро қавӣ намуда, дар ӯ шинохти фарҳангӣ ва миллиро бедор карда метавонад, ҷиддӣ ба роҳ монда шавад.

Февраль 19, 2016 16:21

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд