Вохӯрии намояндаи Маркази миллии тестӣ бо хатмкунандагони шаҳри Кӯлоб

Кӯлоб, 06.02.2016 (АМИТТ «Ховар»).- Дар муассисаи таҳсилоти миёнаи умумии №1- и  шаҳри Кӯлоб  вохӯрии намояндагони Маркази миллии тестии назди  Президенти Ҷумҳурии Тоҷикистон ва мудири шуъбаи маорифи Мақомоти иҷроияи ҳокимияти давлатии шаҳри Кӯлоб бо хатмкунандагони муассиса доир гардид. Ҳамчунин намояндаи  Маркази миллии тестӣ барои огоҳ намудани хатмкунандагон бо  барномаи ягонаи Маркази миллии тестӣ гуфт, ки дар ҷумҳурӣ 36 муассисаҳои олию касбӣ аз ҷумла 14 донишгоҳ, 14 донишкада, 4 коллеҷи тиббӣ ва 4 коллеҷи омӯзгорӣ аз рӯи  500 ихтисос амал мекунад. Ҳамчунин тибқи иттилои ин ниҳод ба  хатмкунандагони  маъюб, ятими кулл,  дорандагони медали тилло, нуқра ва биринҷӣ имтиёзҳои зиёд дода мешаванд.