Вохӯрии Шерхон Салимзода бо Аббосалӣ Гасанов
Душанбе, 23.02.2016. (АМИТ «Ховар»).- 22 феврали соли 2016 дар Агентии назорати маводи нашъаовари назди Президенти Ҷумҳурии Тоҷикистон вохӯрии кории директори агентӣ Шерхон Салимзода бо Сафири Фавқулодда ва Мухтори Ҷумҳурии Озарбойҷон дар Тоҷикистон Аббосалӣ Гасанов баргузор гардид.
Зимни вохӯрӣ роҳбари агентӣ меҳмонро бо тамоюлҳои асосии вазъи вобаста ба маводи нашъаовар дар Тоҷикистон ва минтақаи Осиёи Марказӣ шинос намуд.
Дар ҷараёни вохӯрӣ масъалаҳои вусъат додани ҳамкории дуҷониба байни агентӣ ва Сафорати Ҷумҳурии Озарбойҷон дар Ҷумҳурии Тоҷикистон муҳокима гардиданд.
Дар суҳбат инчунин масъалаҳои ҳамкорӣ дар чорчӯбаи Созмони Ҳамкории Иқтисодӣ ва Маркази Минтақавии Иттилоотии Ҳамоҳангсозии Осиёи Марказӣ (ММҲИОМ) дар соҳаи мубориза бар зидди муомилоти ғайриқонунии маводи нашъаовар мавриди муҳокима қарор гирифтанд.
Зимни вохӯрӣ директори агентӣ меҳмонро бо таҷрибаи Тоҷикистон дар гузаронидани чорабиниҳои зиддимухаддиротӣ шинос намуд.
Сафири Фавқулодда ва Мухтори Ҷумҳурии Озарбойҷон дар Тоҷикистон Аббосалӣ Гасанов ба директор барои ҳамкорӣ арзи сипос кард ва изҳори бовар намуд, ки ин ҳамкорӣ дар оянда боз ҳам мустаҳкам хоҳанд гардид.
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Имрӯз дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Дар Данғара таҳти унвони «Ҷомеаи солим маҳсули оилаи солим аст» иқдоми маърифатӣ доир шуд
4945 ҳолати вайронкунии қонунгузории замин дар маҳал бартараф карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Имрӯз дар шаҳри Душанбе ҳаво то 44 дараҷа гарм мешавад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
