Ярмарка-фурӯши ниҳолҳо ва гулу буттаҳо
Душанбе, 22.02.2016. (АМИТ «Ховар»).- Дар шафати Маҷмааи савдои «Пойтахт-90» намоиш фуруши ниҳолҳои мевадиҳанда, сояафкану ороишӣ, гулу буттаҳо ва тухмиҳои баландсифати дорои сертификат доир гардид. Дар намоиш маҳсули дастони кормандони хоҷагиҳои ниҳолпарварии КВДҶ «Тоҷикниҳолпарвар», аз ҷумла «Искич»-и ноҳияи Ҳисор, хоҷагии ба номи «Мирзо Турсунзода»-и ноҳияи Шаҳринав, хоҷагии ниҳолпарварии шаҳри Ваҳдат иштирок доштанд. Дар маҷмӯъ 728 ҳазор бех ниҳол, аз ҷумла 380 ҳазор мевадиҳанда, 166 ҳазор ороишӣ ва 182 ҳазор гулу бутта пешкаши харидорон гардонида шуд. Ҳамчунин, 5 ҳазору 890 кг тухми зироатҳои беҳтарин ба намоиш ва фурӯш гузошта шуд.
Бо мақсади интихоби беҳтарини ниҳолҳо, тарзи сабзонидан ва парвариши боэътимоди он мутахассисони соҳаи кишоварзӣ аз ҷумла, кормандони Академияи кишоварзӣ ба харидорон маслиҳатҳои судманд доданд.
Ёдовар мешавем, ки дар маъракаи ниҳолшинонии соли гузашта, беш аз 1 миллион бех ниҳолҳои гуногун ва 800 кг. тухми зироатҳои кишоварзӣ пешкаши харидорон гардонида шуда буд.
Дар ярмарка хоҷагиҳои ҷангали шаҳри Турсунзода, ноҳияҳои Шаҳринав, Ҳисор, Варзоб ва Ваҳдат бо сарварии директори Агентии хоҷагии ҷангал Исматзода Азизулло ширкати фаъолона доштанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






