23 террорист дар натиҷаи амалиёти низомӣ маҳв карда шуд

Душанбе, 22.03.2016. (АМИТ «Ховар»). — Вазорати мудофиаи Афғонистон эълон кардааст, ки 23 тан аз террористон, бо шумули се аъзои гурӯҳи террористии ба ном «Давлати исломӣ» дар натиҷаи амалиёти муштараки неруҳои амниятии Афғонистон маҳв карда шуданд.

Амалиёти мазкур ба хотири ҳифзи мардум ва саркӯб намудани террористон дар вилоятҳои Нангарҳор, Ҳилманд, Пактико, Ҳирот ва Хуст роҳандозӣ  шуда,   панҷ террористи дигар низ  захми гардидаанд.  Тибқи иттилои Вазорати мудофиаи Афғонистон, дар амалиёти зидди террористони гурӯҳи ифротгарои ба ном «ДИ» дар минтақаи Ачин ва вилояти Нангарҳор аз техникаҳои вазнин низ истифода бурдаанд.