А. Солеҳзода: Бошад, ки Наврӯзи имсола оғози эҳёи андешаи миллӣ гардад

Март 21, 2016 13:52

Душанбе,21.03.2016. (АМИТ «Ховар»).- 19 март дар Донишкадаи молия ва иқтисоди Тоҷикистон иди байналмилалии Наврӯз бо шукӯҳу шаҳомат таҷлил гардид. Тавре ки аз донишкадаи мазкур хабар доданд, дар базми наврӯзӣ устодону донишҷӯёни шаш факулта ва шуъбаи магистратура бо ороиши дастархони наврӯзии ҳафтсину ҳафтшин ва ҳафтмим ва бо арҷгузориву эҳёи анъанаҳои миллӣ гӯшаҳои махсус ташкил намуданд. Бояд зикр кард, ки дар байни факултаҳо барои ороиши беҳтарин дастархони наврӯзӣ, либосҳои миллӣ, намоиш ва эҳёи суннатҳои наврӯзӣ озмун эълон гардида буд ва намояндагони ҳар як факулта бо пешниҳоди анъанаҳои неки ин иди ориёӣ аз якдигар монданӣ надоштанд. Ҳайати ҳакамон намоиши наврӯзии факултаҳоро аз ҷиҳати мазмун, мундариҷа, муаррифӣ ва иштироки донишҷӯёни он баҳогузорӣ карда, ҷои аввалро ба факултаи технологияҳои иттилоотӣ дар иқтисодиёт, ҷои дувумро ба шуъбаи магистратура ва ҷои севумро ба факултаи иқтисоди молиявӣ ва андозбандӣ муносиб донистанд.
Баъдан базми наврӯзӣ дар варзишгоҳи донишкада идома ёфт. Ректори донишкада Ашурбой Солеҳзода ҳозиринро бо фарорасии Наврӯзи хуҷастапай шодбош гуфта, аз ҷумла зикр намуд, ки Наврӯз бо фарорасии худ кошонаи моро нуру зиё мебахшад, дар вуҷуди мо поктарин эҳсосот ва волотарин умеду орзуро бедор месозад. Наврӯз бо нафаси мубораки хеш адовату кинаро аз замири мо дур месозад, меҳри бародарӣ, шафқату меҳрубонӣ ва хайру саховатро дар қалби ҳар яки мо меангезад. Наврӯз ҷашни оғози эҳёст ва бошад, ки Наврӯзи имсола оғози эҳёи андешаи миллӣ гардад. Иттиҳоду ваҳдати моро мустаҳкам созад, дар роҳи эҷоду бунёд ба мо неруву тавон бахшад.

Март 21, 2016 13:52

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт