Ҷашнгирии Наврӯзи ҷавонони Хатлон дар Шаҳритуз
Қурғонтеппа, 30.03.2016. (АМИТ «Ховар) Наврӯзи ҷавонони Хатлон чун анъана ҳамасола бо ҷалби ҷавонон аз навоҳии вилоят дастаҷамъона таҷлил мегардад. Тавре ки сармутахассиси Раёсати кор бо ҷавонон, варзиш ва сайёҳии вилояти Хатлон Беҳруз Бобоев ба АМИТ «Ховар» иттилоъ дод, Наврӯзи имсола бо ҷалби 150 ҷавон ва намояндагони васоити ахбори оммаи мамлакат дар ноҳияи Шаҳритуз баргузор гардид. Дар чорабинӣ инчунин Махфират Хидирзода, муовини раиси вилояти Хатлон, Аҳтам Абдуллозода, раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ширкат варзиданд. Дар доираи чорабинии наврӯзӣ меҳмонон аз намоишгоҳи наврӯзии ҷавонони ноҳия дидан намуданд ва дар маъракаи ниҳолшинонӣ дар «Боғи дӯстии ҷавонони вилояти Хатлон дар ноҳияи Шаҳритуз» иштирок карданд. Ҳамзамон дар доираи ин маъракаи ҷавонон дар ноҳия мусобиқаҳои гуногуни варзишӣ баргузор гардид.
Иштирокдорони чорабинӣ инчунин аз мавзеъҳои таърихии «Чилучорчашма», Хоҷамашҳад ва Хоҷадурбод дидан намуданд. Муовини раиси вилояти Хатлон Махфират Хидирзода ба маъюбон кумаки молиявӣ расонд.
Бояд зикр кард, ки соли 2015 ҷавонони Хатлон иди байналмилалии Наврӯзро дар ноҳияи Ҳамадонӣ ҷашн гирифта буданд.
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
Имрӯз дар баъзе ноҳияҳои Тоҷикистон чангу ғубор ба амал меояд
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
35-СОЛАГИИ ИСТИҚЛОЛИЯТИ ДАВЛАТӢ. Дар ин давра Тоҷикистон ба дастовардҳои рушди устувор ноил гардид
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Имрӯз дар пойтахт Рӯзи фарҳанги вилояти Хатлон оғоз шуд
