Ҷашни байналмилалии Наврӯз дар Вена
Душанбе, 25.03.2016 (АМИТ «Ховар»).- 24 марти соли 2016 дар бинои шуъбаи Созмони Милали Муттаҳид дар Вена бо ташаббуси намояндагиҳои доимии кишварҳои ҳавзаи Наврӯз, аз ҷумла Тоҷикистон, Афғонистон, Ироқ, Озарбойҷон, Қазоқистон, Қирғизистон, Туркия, Туркманистон, Узбекистон ва Эрон ҷашни байналмилалии Наврӯз бо шукӯҳу шаҳомати хосса таҷлил шуд.
Aз номи намояндагиҳои доимӣ Сафири Ҷумҳурии Исломии Эрон Риза Наҷафӣ ҳозиринро хайрамақдам гуфта, баъдан муовини мудири кулли шуъбаи СММ дар Вена Дэннис Тчатчайчавалит паёми табрикии муовини дабири кулли СММ, мудири кулли шуъбаи Созмони Милали Муттаҳид дар Вена Юрий Федотовро ба самъи меҳмонону иштирокдорони чорабинӣ расонид.
Дар чорабинии наврӯзӣ намояндагони вазорату идораҳои кишвари иқомат, созмонҳои байналмилалӣ, ҳайати дипломатии муқими Вена ва меҳмонони сершумор иштирок доштанд.
Дар маърака кишварҳо гӯшаи фарҳангии худро ташкил карда буданд, ки дар қатори онҳо гӯшаи Ҷумҳурии Тоҷикистон бо хӯроку шириниҳои лазизи наврӯзӣ, ҳунарҳои дастии қадимии мардумӣ, аз қабили сӯзаниву гулдӯзӣ, анвои гуногуни либосҳои миллӣ ва маводи таблиғотӣ ороиш дода шуд.
Дастурхони пурнозу неъмати тоҷикӣ диққати ҷамъомадагонро ба худ ҷалб намуд.
15 июл дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
