Ҷашни Рӯзи Модар дар Вазорати кишоварзӣ
Душанбе, 09.03.2016 (АМИТ «Ховар»).-7-уми март дар Вазорати кишоварзии Ҷумҳурии Тоҷикистон бо иштироки бонувон чорабинии тантанавӣ доир гардид. Вазири кишоварзӣ Маҳмадтоир Зокирзода тамоми занону модарон ва махсусан он занонеро, ки дар соҳаи кишоварзӣ фаъолият доранд, бо Рӯзи Модар табрик намуд.
Аз ҷумла, мавсуф зикр намуд, ки: «Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикисон муҳтарам Эмомалӣ Раҳмон занони тоҷикро зевари миллат арзёбӣ кардааст, ки баҳои баландтарин ва нишони таваҷҷуҳи хосаашон ба занону модарон мебошад.
Ҳамчунин зикр шуд, ки Сарвари давлат барои донишманду бомаърифат будани занону модарони тоҷик борҳо иброз дошт, ки бояд занони Тоҷикистон босаводу соҳибмаърифат, болаёқату соҳибихтисос ва пешрафтаву фарҳангӣ бошанд, зеро онҳо дар баробари ин, ки тарбияткунандаи миллат ҳастанд, оина ва зевари миллати сарбаланди тоҷик ва ҷомеаи демократӣ, ҳуқуқбунёд ва дунявӣ низ мебошанд.