Ба муассисаҳои таҳсилоти олии Эрон онҳое қабул мешаванд, ки бо хатти форсӣ хонда ва навишта тавонанд

Март 1, 2016 18:10

Душанбе, 01.03.2016 (АМИТ «Ховар»). — Бо мақсади қабул шудани донишҷўёни лаёқатманд ба муассисаҳои таҳсилоти олии касбии Ҷумҳурии Исломии Эрон муҳлати қабули ҳуҷҷатҳо тамдид ва корҳои таблиғотию ташвиқотӣ ҷоннок карда шаванд,- пешниҳод намуд вазири маориф ва илм Нуриддин Саид зимни вохӯрӣ бо сафири Ҷумҳурии Исломии Эрон дар Ҷумҳурии Тоҷикистон Ҳуҷҷатулло Фағонӣ.
Ҳамчунин вазири маориф ва илм пешниҳод намуд, ки дар тартиби қабули довталабон ба муассисаҳои таҳсилоти олии ҶИЭ тағйирот ворид намуда, танҳо онҳое қабул карда шаванд, ки бо хатти форсӣ хонда ва навишта тавонанд.
Зимни вохӯрӣ ҷонибҳо вобаста ба рушди ҳамкорӣ суҳбат намуда, сафири Ҷумҳурии Исломии Эрон дар Ҷумҳурии Тоҷикистон Ҳуҷҷатулло Фағонӣ пешниҳод кард, ки бо мақсади амалӣ намудани нақшаву барномаҳо, ки дар шартномаҳои дуҷониба нишон дода шудаанд, миёни Вазорати маориф ва илм ва Сафорати Ҷумҳурии Исломии Эрон дар Ҷумҳурии Тоҷикистон гурўҳи кории вижа таъсис дода шавад. Ҳамчунин дар идомаи суҳбат сафири ҶИЭ зикр сохт, ки миёни муассисаҳои таҳсилоти олии касбии ду кишвар ҳамкорӣ ҷоннок карда шаванд. Илова ба ин, дар ҳамоиши байналмилалии муассисаҳои таҳсилоти олии касбии кишварҳои форсизабон, ки моҳҳои наздик дар Эрон баргузор мегардад, намояндагони донишгоҳу донишкадаҳои Ҷумҳурии Тоҷикистон низ ширкат варзанд.
Бино ба иттилои хадамоти матбуоти вазорат, то имрўз довталабоне, ки барои таҳсил ба ҶИЭ фиристода мешаванд, як соли аввал ба омўзиши хатти форсӣ машғул шуда, баъд аз супоридани имтиҳон сипас ба ҳайси донишҷў пазируфта мешуданд.

Март 1, 2016 18:10

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт