Боздиди вазири корҳои дохилӣ аз РВКД дар вилояти Суғд
Душанбе, 22.03.2016. (АМИТ «Ховар»). –Имрӯз вазири корҳои дохилӣ генерал-лейтенанти милитсия Раҳимзода Рамазон Ҳамро зимни сафари корӣ ба вилояти Суғд, ба Раёсати Вазорати корҳои дохилии вилоят ташриф оварда, аз рафти корҳои таъмиру тармим ва азнавсозии бинои он шинос гардид.
Мавриди қайд аст, ки бинои раёсати мазкур, ҳуҷраҳои кории кормандон ва дигар утоқҳои зарурӣ дар як муддати кӯтоҳ таъмиру азнавсозӣ гардида, бо тамоми шароити муосир, аз ҷумла бо таҷҳизоти техникию воситаҳои алоқа таъмин карда шудааст.
Ҳамчунин гирду атрофи бинои раёсат бо ниҳолҳо ва гулҳои ороишӣ ободу зебо гардонида шуда, дар саҳни бино ҳавзи шиноварӣ ва нишастгоҳҳо бунёд карда шудааст.
Вазири корҳои дохилӣ бо ҳайати шахсии РВКД дар вилояти Суғд вохӯрӣ намуда, ҷиҳати боз ҳам пурзӯр намудани мубориза бар зидди ҷинояткорӣ, таъмини ҳифзи тартиботи ҷамъиятӣ ва ҳуқуқу озодиҳои шаҳрвандон дастуру супоришҳои мушаххас дод.
Сафари кории вазири корҳои дохилӣ ба вилояти Суғд идома дошта, аз ҷараёни он иловатан хабар дод мешавад.
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
