Чорабинӣ бахшида ба Наврўз ва Рўзи ҷаҳонии об

Душанбе, 18.03.2016. (АМИТ «Ховар»). — Имрўз, 18-уми март дар Вазорати энергетика ва захираҳои оби мамлакат бо иштироки вазири энергетика ва захираҳои об Усмоналӣ Усмонзода, муовини якуми вазир Султон Раҳимзода ва кормандон ба муносибати фарорасии Наврўзи байналмилалӣ ва Рўзи ҷаҳонии об, ки аз ҷониби Ассамблеяи Генералии СММ эълон гардида, бори нахуст 22 марти соли 1993 таҷлил шуда буд, чорабинӣ доир гардид.
Вазири энергетика ва захираҳои об У. Усмонзода ҳозиринро ба муносибати Наврўзи байналмилалӣ ва 22 март — Рўзи ҷаҳонии об шодбош гуфта, барои онҳо тансиҳатӣ ва хонаи ободу рўзгори осуда таманно намуд. Номбурда изҳор дошт, ки Наврўз ҷашни зебоӣ ва баҳор буда, анъанаҳои он хоси мардуми мост.
Муовини вазири энергетика ва захираҳои об С. Раҳимзода ба сухан баромада, ҳозиринро ба ифтихори Наврўзи хуҷастапай ва Рўзи об табрик гуфт.
Об ҳамчун сарчашмаи зиндагӣ барои Тоҷикистон аҳамияти махсус дошта, рушди бонизоми иқтисодиёти кишвар ба он алоқаманд аст, иброз намуд зимни суханронии худ С. Раҳимзода.
Аз ҷониби вазири энергетика ва захираҳои об кормандони фаъоли вазорат, ки дар пешбурди соҳаи об саҳми назаррас доранд, бахшида ба Рўзи об бо ифтихорнома ва туҳфаи молӣ қадрдонӣ гардида, ҳамчунин ба тамоми кормандони вазорат кумаки моддӣ ба ифтихори Наврўзи ҷаҳонӣ расонида шуд.